نعت پاک
چمک تجھ سے پاتے ہیں سب پانے والے
میرا دل بھی چمکا دے چمکانے والے
برستا نہیں دیکھ کر ابر رحمت
بدوں پر بھی برسادے برسانے والے
تو زندہ ہے واللہ! تو زندہ ہے واللہ!
میرے چشم عالم سے چھپ جانے والے
میں مجرم ہوں آقا! مجھے ساتھ لے لو
کہ رستے میں ہیں جا بہ جا تھانے والے
حرم کی زمین اور قدم رکھ کے چلنا
ارے سر کا موقع ہے اور جانے والے
مدینے کے خطے خدا تجھ کو رکھے
غریبوں فقیروں کے ٹھہرانے والے
رضا ؔ نفس دشمن ہے دم میں نہ آنا
کہاں تم نے دیکھے ہیں چندرانے والے
(فاضل بریلوی)