منقبت
تارک السلطنت غوث العالم محبوب یزدانی سلطان اوحدالدین قدوۃ الکبریٰ مخدوم سیداشرف جہانگیر سمنانی رضی اللہ تعالیٰ عنہ
تیرا نَسَب حُسینی ، سادات ہے گھرانہ ۔ ۔ ۔ اے اشرفِ زمانہ
ابدال در پہ آئیں ، اَوتاد سر جھکائیں
راہِ صفا کا رہبر، ولیوں نے تم کو مانا۔ ۔ ۔ اے اشرفِ زمانہ
حیدرہیں جَدّ امجد شاہِ اُمم ہیں نانا۔ ۔ ۔ اے اشرفِ زمانہ
ٹھوکر میں تختِ شاہی، تعمیرِ حق کے راہی
سیاح بزم عالَم، فطرت مجاہدانہ۔ ۔ ۔ اے اشرفِ زمانہ
سِمناں کے شاہِ عالی ، روحانیت کے والی
مسکن ترا کچھوچھہ ، پَنڈوَہ ہے پیر خانہ۔ ۔ ۔ اے اشرفِ زمانہ
محبوبِ شاہِ جیلاں، یحییٰ کے دل کے ارماں
مخدومِ بزمِ عرفاں ، ہستی تری یگانہ۔ ۔ ۔ اے اشرفِ زمانہ
بھٹکے ہوؤں کی منزل، اے ڈوبتوں کے ساحل
ٹالو ہماری مشکل ، دکھ درد ہو، روانہ۔ ۔ ۔ اے اشرفِ زمانہ
اے قبلہ گاہِ عالَم ، خلقِ خدا کے ہمدم
بزم جہاں میں دائم ، چمکے یہ آستانہ۔ ۔ ۔ اے اشرفِ زمانہ
ہر سٗو ہےظلم و سازش، ہے آپ سے گزارش
اعداء دیں پہ برسے ، عبرت کا تازیانہ۔ ۔ ۔ اے اشرفِ زمانہ
پیداہو بھائی چارہ ، اُمت میں پھر دوبارہ
یکجائی کا ہو نعرہ ، مومن ہوں پھر توانا۔۔۔۔اے اشرفِ زمانہ
گلزارِ اشرفیت ، اس کی بہار و رَنگت
دائم رہے سلامت ، یہ فیض کا خزانہ۔۔۔اے اشرفِ زمانہ
دارین کا شَرَف ہے،عزت کا یہ شَغَف ہے
لکھتا رہے فریدی اَسلاف کا ترانہ۔۔۔۔اے اشرفِ زمانہ